პონტოური მუხა

ვიკიპედიიდან, თავისუფალი ქართულენოვანი ენციკლოპედიიდან

პონტოური მუხა (Quercus pontica) — მაღალი ბუჩქი ან პატარა ხე (5-7, იშვიათად 10-12 მ სიმაღლისა) წიფლისებრთა ოჯახისა. გავრცელებულია მცირე აზიაში, პონტოს ქედზე და დასავლეთ საქართველოში (აფხაზეთი, სვანეთი, სამეგრელო, გურია და აჭარა). იზრდება ზღვის დონიდან 800 (1200) - 2200 მ სიმაღლეზე, კირქვიან კლდეებსა და თიხნარ ნიადაგებზე. ზოგჯერ ქმნის წმინდა კორომს. ხშირად ქვეტყეში ერევა ცირცელი, მედვედევის არყი, მარადმწვანე ბუჩქები. სინათლის მოყვარულია. ღერო ხშირად გართხმულია. ზამთრის მკაცრი პირობების გადატანა უხდებათოვლის მძლავრი საფრის ქვეშ. ყინვაგამძლეა, ნორჩი ყლორტები ზრდას ამთავრებს გაზაფხულზე და ყინვამდე ასწრებს გამერქნებას. ნაყოფმსხმოიარობს ცუდად და იშვიათად. რკო ხშირად დამწიფებას ვერ ასწრებს, ამიტომ აღმოცენების უნარი არა აქვს. მიწაზე გართხმული ტოტები ბევრ ადგილზე ფესვიანდება და ქმნის გაუვალ რაყას. მერქანი მაგარი აქვს. დეკორატიულია.

ლიტერატურა 

• გაგნიძე რ., ქართული საბჭოთა ენციკლოპედია, ტ. 8, გვ. 159, თბ., 1984 წელი.

პონტოური მუხა (Quercus pontica)

მეცნიერული კლასიფიკაცია

სამეფო:	მცენარეები
განყოფილება:	ფარულთესლოვნები
კლასი:	ორლებნიანნი
ოჯახი:	წიფლისებრნი
სახეობა:	პონტოური მუხა

წყარო:http://ka.wikipedia.org/wiki/%E1%83%9E%E1%83%9D%E1%83%9C%E1%83%A2%E1%83%9D%E1%83%A3%E1%83%A0%E1%83%98_%E1%83%9B%E1%83%A3%E1%83%AE%E1%83%90

Sourse:http://ka.wikipedia.org/wiki/%E1%83%9E%E1%83%9D%E1%83%9C%E1%83%A2%E1%83%9D%E1%83%A3%E1%83%A0%E1%83%98_%E1%83%9B%E1%83%A3%E1%83%AE%E1%83%90